24.04.2025

Aprelin 24-də Daxili İşlər Nazirliyinin İnsan Alverinə qarşı Mübarizə Baş İdarəsinin təşkilatçılığı ilə polis orqanlarının ayrı-ayrı xidmət sahələrinin əməkdaşları üçün virtual təlim təşkil edilib.
İnsan Alverinə qarşı Mübarizə Baş İdarəsinin əməkdaşı Vamiq Naməndzadə “İnsan alveri və məcburi əmək cinayətləri – transmilli mütəşəkkil cinayətkarlığın növü kimi”, “İnsan alveri cinayəti ilə ictimai mənəviyyat əleyhinə olan cinayətlərin fərqləndirilməsi” və “İnsan alveri və məcburi əmək cinayətlərinin qarşısının alınması və profilaktikası” mövzularında çıxış edərək iştirakçılara geniş məlumat verib.
Virtual təlimin sonunda əməkdaşlar tərəfindən verilən çoxsaylı suallar ətraflı cavablandırılıb.